My last weeks.

Hoi zäme

Ich hoffe es gaht eu allne guet. I’m very happy. 🙂 Das wird eine vo de letschte blog posts sii, wenn nöd de letscht. Ich schrieb eifach no was ich so gmacht han in the last few weeks.

Loughborough University

Ich bin mit es paar Kolleginne Loughborough Uni go aaluege. Es isch en riise campus, e universität stadt. 😉 es isch mega cool gsi, mir hend e füehrig gha und alles chönne aaluege. am morge simmer au no ines lecture about social policy, was recht interessant gsi isch. Ich han sogar glernt how to juggle. isch en super tag gsi. 🙂

IMG_5895

London & Harry Potter Studios (8th of March)

~ Kings Cross ~ Camden Town ~ Picadilly Circus ~ Covent Garden ~ Street Artists ~ Shopping ~ Eating ~

IMG_5910

IMG_5915

IMG_5916

IMG_5927

Am Namitag simmer id Harry Potter Studios. Es isch de absolut hammer gsi!!

IMG_5932

IMG_5961

IMG_5972

IMG_5998

IMG_6022

IMG_6028

IMG_6033

IMG_6042

IMG_6066

IMG_6072

IMG_6083

Kodaline Concert

Am 9. März bini mit ere Kollegin as Kodaline Konzert in Nottingham. Es isch mini Lieblingsband und eifach awesome gsi!! Mega viel Lüüt hend de text gwüsst und ich bin natürlich au di ganz ziit am mitsinge gsi. Es isch scho no cool, wenn mer jedi linie uswendig weiss. 😉 Mir sind chli spaat hei cho, aber d’Müedigkeit am nöchschte tag het sich eidütig glohnt!

School

Ich wird d’schuel uu mega vermisse!! Und without psychology it’s going to be awful… 😛 ich han so viel gueti fründe gfunde und ich bin kinda froh, dass ich no überhaupt nöd realisier, dass ich inere wuche alles da zrugglah muess… Es tröschtet mich aber chli, dass ich weiss ich wird zrugg cho wird und de abschied nöd für immer isch.

Host Family

Ich chan mich echt glücklich schätze sone super host family z’ha. es isch es zweits dihei worde und ich wird sie sehr vermisse.

photo 2
Dinner with the girls
photox
Got a really cute & massive cookie 🙂 <3 <3

Am 27. chömed mini eltere und min grossvater übere ich zeig ihne wo ich die 7 mönet verbracht han. Und denn heissts scho glii – good bye England 🙁

Alles Liebi und bis bald

Mishi

Edinburgh.

Hallo zäme

Ich hoffe eu gaht’s allne guet! Ich hans super da; mit de Gastfamilie isch alles guet und au ide Schuel isch alles tip top. Immer viel z’tue, aber das isch ja normal. 😉 All Lehrer redet etz vo de exams im Summer, wonich, zum Bedure vo mine Lehrer, nöd schriebe wird. So, I don’t have to care as much as the others. Aber ich muess natürlich immer no alli Ufzgi und so mache.

16th of February – 19th February 2015

IMG_5726

IMG_5735

I de Ferie bin ich es paar Täg in Edinburgh gsi mit andere Ustuschschüeler. Am Mäntig hemmer zersch mal e 6-stündigi Zugfahrt vor eus gha. Am Namitag simmer aacho und is Hostel gloffe. Mir sind i 10er Zimmer gsi und hend überraschend guet gässe. Am Abig simmer uf The Haunted Tour of Edinburgh. En Führer het ois Gschichte vo Edinburgh im 17. Jh verzellt und wommer i de Tunnel under de Stadt gsi sind, natürlich au Geistergschichte. Mir hets mega gfalle, anderi hends nach es paar Stories nüm so luschtig gfunde.. 😉

IMG_5739

IMG_5875

 

Am Zischtig simmer am Morge uf e Bus tour und händ en Halt gmacht bi de Britannia – di ehemalig Jacht vo de royal family. Das Schiff isch riesig!! Ich het also nüüt dägege mal id Ferie mit dere. 😛 Nach oisere Freiziit hemmer no chönne id National Art Gallery.  Am Abig hets Scotland- Quiz & Spiel geh. Mir hend alli es mega cools Scotland Rugby Shirt becho – I love it! 😀

IMG_5756
Britannia

IMG_5763

IMG_5779
mit oisne coole shirts 🙂

Am Mittwuch simmer es Castle of Edinburgh go aaluege. Es isch ufme Hügel und mer het e super view over the city. Am Mittag hemmer Ziit zum shoppe gha und zum Zmittag han ich Haggis gässe, e schottischi Spezialität. Nach em churze Bsuech im National Museum of Scotland isches wieder zrugg is Hostel gange. Nachem Znacht simmer denn go Ice Skate.  Es het mega Spass gmacht und ich han sogar glernt hinderschi zfahre. A dem Abig simmer nöd so früeh is Bett cho und dementsprechend au müed gsi am nöchschte Morge. Es isch leider scho Ziit gsi zum hei gah 🙁 Da mini Gastfamilie aber in Wales gsi isch, bin ich no zu ihne für en Abig und am Fritig uf Peterborough.

IMG_5799
Edinburgh Castle

IMG_5804

IMG_5871

IMG_5908

IMG_5898
Ice skating
IMG_5892
MINION

IMG_5909

Ich bin (leider) scho wieder voll im Schuelrythmus und gnüss etz no mini letschte Wuche! 🙂

Alles Liebi

Mishi

 

And another year has begun

Hallo zäme 🙂

Mir gaht’s super! Ich han s’Gfühl es wird immer besser je länger ich da bin. 😉 I de Schuel isch alles tip top und mit de Gaschtfamilie hannis mega guet! 2015 isch scho wieder en Monät alt, time flies…

Am 24. Dezember hät e chlini Überraschig uf mich gwartet. Min host father, ich und d’Angel sind go spaziere… mit emne HUND! 😀 Ich han natürlich mega Freud gha! A Wiehnachte sind Friends & Family vo minere Gaschtfamilie cho und mir hend zäme g’ässe, gredet und es paar Spiel gschpielt. Am boxing day hets sogar gschneit! Mir sind uf Birmingham, Cousins vo de Angel go bsueche. A New Year’s Eve simmer id Peterborough Cathedral, e Kollegin isch go übernachte cho und mir hend en gmüetliche Abig verbracht.

IMG_5576
Cathedral

Ich han de Angel Harry Potter 1 uf Wiehnachte gschenkt und lies es ihre drus vor. Das macht glaub fasch no meh Spass als de Angel.. ;D

Ich han vil z’tue i de Schuel, aber Physics, Drama und Psychology sind keis Problem, will ichs so gern mach. I psych hemmer etz Abnormality, es isch genial! 😀 English Language isch okay. 😛 Wenns möglich isch, gang ich im Mai zrugg und mach d’Psychology exams. Mir machts nüüt us de stoff z’lerne und ich  het denn e Qualifikation. 🙂 Ich han contemporary dance und running aagfange und beides gfallt mer sehr guet. Am Sunntig abig mach ich en Alpha Course; mer lernt und diskutiert über de christlichi Glaube und es paar Kollege gönd au dete. Ich chan drum leider nüm nach Leicester, aber e Kollegin chunnt verbi am Sunntig und ich hilf ihre mit Psychologie und mir chönd schwätze und so züg und denn zäme in Kurs.

IMG_5598

February half term gang ich nach Edinburgh! 😀 Ich han scho länger uf Schottland welle und freu mi mega.

Am 23. Januar isch d’Graduation vom Brüder vo mim host dad gsi. Nach de Schuel simmer uf Leicester gfahre und leider ersch aacho wo’s grad fertig gsi isch. 😛 Aber mir hend no Ziit gha zum Fotene mache und hend nach es paar Komplikatione au no professionelli Fotene chönne mache. Denn simmer is Restaurant (Red Hot – World Buffet and Bar). Es isch all-you-can-eat und es git Gricht vo literally überall! Es Esse isch awesome gsi! Es het sogar en Schoggibrunne gha. 😀 Mir hend en mega schöne Abig gha und min host father het gfunde, dass seg eis vo de beschte Reschti wonner je gsi isch in England.

IMG_5673
Buffet
IMG_5696
my host parents
IMG_5663
delicious food, wonderful people, good time

Love

Michelle

 

Merry Christmas!

Hallo zäme

Mir gaht’s immerno sehr guet in England. Mit de host family hannis au immerno super und d’Angel (hostsister,8 J) het jetz alli ‘Schüchi’ abgleit und mir hends mega guet mitenand. 🙂 I de Schuel isches recht streng gsi i letschter Ziit, drum hanni au leider  kei Ziit gha zum wieder mal öppis z’schriebe.

IMG_5294
Das isch a mim Geburtstag gsi, mini Gasteltere hend e Überraschigsparty organisiert. 🙂

Für die wos nonig wüssed: Ich bin für es Wuchenend i de Schwiiz gsi endi November. 😀 Aber wills halt nume so churz gsi isch, han ich nume mini Klass troffe und mini Familie. Ich bin als Überraschigsgascht ad 50er Party vo mine Eltere und nume min Vater het devo gwüsst. Ich wür sege d’Überraschig isch glückt und es het mich mega gfreut alli wieder e mal gseh z’ha.

IMG_1675
So far gone – James Blunt

IMG_1690

IMG_1704

IMG_1782

DSCF0815
Abschiedsföteli mitem Päsc und de Ele

De normali Alltag isch denn aber scho am Mäntig wider iikehrt nach dem sehr emotionale und spezielle Wuchenend und denn het au scho de Stress mit de Mocks (Prüefige)  aagfange. I Psychologie, Physik und English Language hanni e Prüefig gha über alle Stoff wommer bis jetz gha hend. Glichzitig het au de Wiehnachtsgschenklistress aagfange und ich bin froh dass jetz beides verbi isch und d’ferie da sind. 🙂 Am letschte Tag han ich mini Händ aazünt. 😀 I physik als Abschluss. 😉 Mer muess sini Ärm nass mache und bubbles id händ näh und denn chammes  is Füür hebe. Es git denn e recht grossi flamme und isch mega cool, vorallem wemmer e Reihe macht und s’Füür witergit.

Ich han inzwüsche au mal Älplermagrone kochet. 😀

Am 14. Dezember hanni es paar Kolleginne zu mir hei iiglade. Ich han minere Gaschtmuetter gholfe en African Lunch z’choche wo natürlich uu fein gsi isch und denn simmer alli zäme an e Christmas Carol. Mir hend Wiehnachtslieder gsunge, es chlises Theaterstuck gseh, en Gottesdienst gfiiret und gschwätzt.

IMG_5525
Mini host family und ich 🙂
IMG_5533
Ich han unbedingt es Foti mitem Schneema müsse mache 😛

Es het leider kei Azeiche vo Schnee, aber ich hoff immer no uf e white christmas. Mir fiired mit es paar Kollege vo minere Familie und es git natürlich Turkey. Und mir chönd d’Gschenkli am Morge scho ufmache. 😀

I wish you all a merry christmas and a happy new year!

Michelle

Wales

hoi zäme

i mine ferie bin ich in wales gsi mit anderne ustuschschüeler. s’ganze isch 4 täg gange, de erscht und de letscht tag hemmer ca 6 stund müsse fahre. mir hend es mega cools programm gha und mega vil spass 🙂 😛

IMG_5202
es isch echt schön gsi wiedermal en richtige wald z’gseh 🙂

am erschte tag isch gorge scrambling ufem programm gschtande. das heisst mir sind im wasser umegloffe, gschwumme, vo (7m) hoche felse abe gumpet und gloffe. das alles i normale turnschueh ;D es isch voll genial gsi! leider hemmer kei kamera chönne mitneh wills ja es ziemlich nasses unternehme gsi isch. 😀

IMG_5203
beautiful sea
IMG_5222
di ganz gruppe (i oise sexy wet suits) 😀
IMG_5231
surfboards

am nöchschte tag simmer an strand gfahre zum surfe. das isch uu mega cool gsi! s’wetter isch zwar nöd so schön gsi, aber das het eich kei rolle gschpielt 😉

IMG_5254
de car wommer drin umegfahre sind
IMG_5213
das isch e anderi ustuschschüelerin vo de schwiiz und ich am meer

IMG_5210

IMG_5236

ganz liebi grüess vo england

mishi <3

What I’m doing.

Hallo zäme. Es gaht mer würkli guet da in England! Ich lern jede Tag neui Sache – es isch eifach genial. 😀 Ich han mich scho guet iiglebt. I de Schuel weissi au meischtens was lauft. ;P Ich han etz au verschiedeni Sportarte aagfange; Basketball, Tanze und Hockey. Basketball machi i de Schuel und ich bin s’einzige Meitli.. ;P Aber es gfallt mer mega. Hockey isch imne Club in Peterborough und s’Tanze au. Ich bin au imne Chor. Aber leider han ich bis jetz no kein gfunde wo “alles stimmt”. Aber ich han ja gnueg z’tue im Moment! 😉

photo1
Angel, ich und d’Zainab, mini Gaschmuetter. 🙂 <3

Mit minere Gaschtfamilie hannis immer no super! Ich han echt Glück, dass ich zu ihne cho bin. Ich fühl mich mitterwile würkli ganz dihei im Huus. Natürlich denki vil a mis “schwiizer dihei“, aber ich hans echt super da. Mit mim Gaschtvater hanni no öppe spannendi Konversatione vorem Fernseh (de isch immer aa!! Am Aafang hannis mega störend gfunde, aber jetz isches zumne Hindergrundgrüsch worde :D) über s‘ Lebe (also eich so chli über alles ;)). Und mini Gaschtmuetter chocht (immerno ;D) eifach köschtlich. Ich han jede Tag en mega guete z’nacht.  Mini Gaschtschwöschter isch e mega herzigi und ich spiel mängisch mit ihre.

IMG_4957
Vorem Huus.
IMG_4958
D’Angel und ich.
IMG_4964
Ich han grad freud gha zum min z’nacht photographiere. 😀

D’Schuel wird leider immer aastrengender und ich han vil ufzgi. Drama isch echt genial! Mir hend zwei super Lehrer, de eint isch soo luschtig. S’einzige was mer mached i de Lektione isch lache. ;D Die Wuche hemmer e Uffüehrig, Romeo & Juliet. Mal luege wies ussechunnt, aber ich freu mich. English gfallt mer nöd meega guet, Grammatik isch recht langwilig, und d’Leherinne sind recht streng. Aber mir schriebed au Text und das gfallt mer. =) Physik findi au super! Überraschendewiis. 😀 Ich weiss nöd genau wieso, aber es gfallt mer würklich guet. D’ Leherin wommer hend isch super (i de Lektione redemer teilwis über fernsehserie und so.. :D) und di einzige andere zwei Meitli sind mega liebi. Mit de einte hanni hüt es mega spannends, philosophischs Gspräch gha. 😉 Wie gseit simmer nume 3 meitli und ca 15 Jungs! 😀 S’Physikbuech isch recht selbschterklärend und drum münd mer s’meischte ellei mache und d’Lektione sind defür da zum fröge, was mer nöd verstande het. Psychologie isch mega spannend. Bis jetzt hemmer halt so d’Basics gha und richtig interessant wirds denn wenn mer s’Thema ‘Memory` hend. 🙂 Die beide Lehrerinne wommer hend sind au mega liebi und luschtigi. 😉 😀 Die Wuche hemmer die erschte Prüefige.. Mir hend 6 verschiedeni Colleges i de Schuel. Communications (comms), maths, tequnology (teq), humanities (hums), arts und science. Mis home college isch comms. Es het bi jedem college en bereich mit tisch und am aafang bin ich immer bi comms ghocket. Ich han etz aber aagfange i anderne colleges z’hocke; dete wo es paar hocket wonich kenn. Sit denn isch d’Schuel vil besser worde. 😛 So lern ich würkli jede Tag neui Lüüt kenne, will halt Kollege vo dene wo mit mir amne Tisch hocked au dezue chömed und ich denn vorgstellt wird und so. 🙂

Jede Sunntig fahremer nach Leicester. Dete isch d’Chile, aber für mich isches eher Fründe treffe und Lüüt kennelerne. Ich hilf jetz im Childern’s Team, d.h. während em Gottesdienst gönd alli Chind usse und ich hilf sie z’beschäftige und tuen mit ihre spiele. Ich gang mega gern nach Leicester und de Samschtig triffi en Kolleg wo det wohnt und er zeigt mer d’Stadt e chli. 🙂 Die andere Lüüt sind alli so nett und ich fühl mich mega willkomme bi ihne. 😉 🙂

IMG_4944
Das isch inere Schuel in Leicester, dete wo de Gottesdienst stattfindet.

 

Birmingham

IMG_4968
On the way to Birmingham.

Am 11. Oktober simmer mitem Local Rep nach Birmingham id Schoggifabrik Cadbury. Es isch riiiiesig und d’Schoggi isch guet, aber nöd z’vergliche mit Schwiizerschoggi. ;D Es sind anderi Ustuschschüeler vo de Region debi gsi und so hett mer die Lüüt wome in London kenneglernt het wieder gseh. Nachher simmer no chli id Stadt, aber mir hend nöd allzu lang chönne bliebe. Nach zwei Stunde zugfahrt simmer wieder in Peterborough gsi.

IMG_5002
En Schoggibrunne. Das söttme dihei ha. ;D

IMG_5028

IMG_5031
Päsc – das hetti dir eich welle chaufe, aber ich glaub nöd, dasses überlebt het bis id Schwiiz.. 🙁
IMG_5034
Birmingham – city.

Mini Ferie fanged leider ersch Endi Oktober aa. Aber ich gang mit anderne Ustuschschüeler 4 Täg nach Wales, ich freu mi mega uf das. 😀 Und min Geburtstag isch au i de Ferie, dass hanni i de Schwiiz nie. ;P

photo
Cathedral vo Peterborough.

 

Liebi Grüess a alli, au vo minere Gaschtmuetter 🙂 <3

Mish

Hostfamily & School

Hoi zäme 😀 Ich hoffe es gaht oi allne guet! Es isch doch e chli länger gange, tuet mer leid! Aber ich han welle warte bis ich chan über d’Schuel schriebe 😉 Mir gaht’s super da in England! Mini Hostfamily isch echt nett, sie kümmered sich mega guet um mich. Ich han e chlini Gastschwöster, sie heisst Angel und isch 7. Mit de Eltere hannis au mega guet. Sie chömed us Nigeria und sind vor ca 10 Jahr id UK zoge. Sie gönd ine christlichi Chile, es isch aber mega andersch als i de Schwiiz. Mit vil Musigg 🙂 Mini Gastmuetter chocht echt mega guet (ich han no nie Herdöpfelstock gha bis jetz ;P) und es hät immer Frücht & Guetzli. Sie hend am Aafang immer wieder widerholt, dass ich jetz zu de Familie ghör und alles bruche chan, wie dihei halt. 🙂

Am Samschtig, de 30. Auguscht, bini in Peterborough aacho. Ich han mis Zimmer iigrichtet und am Abig hemmer X-Factor glueget. S’Huus isch recht chli, so au mis Zimmer. Am Aafang isches no chli ungwohnt und “z’chli” gsi, aber ich mich schnell dra gwöhnt. Am Sunntig simmer nach Cambridge gfahre, es gaht öppe 45 min. Zersch simmer id Chile, es het e richtigi Band uf de Bühne gha, mir hend also vil gsunge und nachher het en Maa no gschwätzt und betet. Nachdem simmer go picknicke imne Park mit anderne Lüüt vo de Chile. Aaschlüssend simmer is Museum.

I de nöchschte Täg bini go shoppe und am Mittwuch bini am Morge id Schuel – Thomas Deacon Academy – iiglade worde zum “Hallo” sege. Ich bin im Year 12 oder au 6th Form gnennt, das isch s’ zweit letschte Jahr vorem Schuelabschluss. D. h. ich muess en Business Dress träge. ;D Es isch no es Meitli vo Dütschland uf de gliche Schuel. Ich bin mit ihre am Dunnschtig is Shoppingcenter i de Stadt go Chleider für d’Schuel chaufe. Ich han au no “es paar” anderi Chleider kauft.. 😀 Am Fritig het d’Schuel denn richtig aagfange. Di erscht Lektion fangt 9:45 aa und ei Lektion gaht 1 Stund. Ich bin a dem Tag glofe, es gaht ca 20 min, will ich no keis Velo gha han. D’Fächer won ich gwählt han sind: Biologie, Mathe, English Language und Psychologie. Ich han zimli vil Freistunde zwüsched de Lektione, die Stunde sind eigentlich Study time, aber meischtens hettmer nöd so vil z’tue und hockt eifach ume..  Es isch bis jetz recht guet, ich kenn mich au scho recht guet us i de Schuel. 🙂

Am Wuchenend sind zum Lunch Kollege verbi cho und am Abig simmer no anderi Fründe vo de Familie go bsueche. Das findi echt cool, so lerni mega vil Lüüt kenne. 🙂 Am Sunntig hanni es Velo ufem Flohmi kauft und nachher simmer nach Leicester gfahre.

Am Mäntig het d’Schuel denn würkli richtig aagfange. D’Lehrer sind alli mega nett. Au di andere Schüeler sind nett und wenn sie ussefindet, dass ich vo de Schwiiz chumm und wieso ich da bin, interessieret sie sich au für dich 😉 Es isch recht aastrenged, alles isch halt neu und uf English etc.  Alli hend zimli höchi Erwartige und es gaht no es Ziitli bis ich mich a alles gwöhnt han. 🙂 Aber es gaht recht guet bis jetz.

Am Fritig hanni mich nach langem Überlege entschiede Mathe und Bio zu Physik und Drama z’wechsle. Mal luege wie das wird.. 😀 Die Wuche luegi welli Sportarte ich mache chan, ich bruch  langsam wieder Bewegig 🙂

A dem Wuchenend simmer am Samschtig wieder nach Leicester, dete hetts en Stand gha vo de Chile. Ich han gholfe Ballön z’verteile und Facepainting mache für die chline Chind. Ich han de Tag mega gnosse 🙂 Am Abig isches wieder X-Factor Time gsi, leider luegt mer fasch meh Werbig als öppis anders.. ;p

Mini zweiti Schuelwuche isch bis jetz super! Ich han etz weniger Freistunde mit em neue Stundeplan und es paar mal hanni ersch am 10 Schuel. I Physik hemmer e super Lehrerin und en mässig guete Lehrer. 😀 Drama isch echt toll, mir mached mega cools Züg und die andere Schüeler sind mega luschtig. Ich bin mich immerno chli am ad Schuel gwöhne, aber es wird immer besser, was au dra lit, dass ich immer meh Lüüt kennelern. Und dass ich so e gueti Gastfamilie han, machts au eifacher. Ihr gsehnd also es gaht mer guet und ich gnüsses da. 🙂

IMG_4922
Es Biispiel was ich i d’Schuel aaleg.
IMG_4899
Es anders Oufit für d’Schuel, im Hintergrund mis Zimmer.

 

Liebi Grüess us England <3

Mishi

London 27.08. – 30.08.

Zersch mal: Willkomme bi mim Blog! Ich mach es Ustuschjahr und verbring 7 Mönet in England, Peterborough. Dete gang ich id Schuel und wohn binere Gastfamilie. I dem Blog schrieb ich was ich so mach & erleb. Hoffe es gfallt oi. 🙂

Am 27.  August het mis Ustuschjahr aagfange! Am Mittag sind mini Familie und ich an Flughafe gfahre und hend ois vonenand verabschiede müsse. Zum Glück bini no mit anderne Ustuschschüeler gfolge und nöd ellei. 🙂 In London aacho, hemmer zersch mal müsse  uf de Car warte. Denn simmer mega lang gfahre, wills en riiiise Stau gha hät..! Ca. am halbi 10 hets denn Z’nacht gäh. Hungrig wie mer gsi sind nach dem lange Tag, hemmer s’ Mensa Esse abegschlunge, wo okay gsi isch. ;P Es sind Ustuschschüeler vo Holland, Dänemark, Italie und Finnland da gsi, alli zäme simmer 130 Lüüt gsi. Mir hend im Kings College in London gwohnt, ich han mitere Schwiizerin es Zimmer teilt. Am gliche Abig simmer no i Gruppe vo 16 ufteilt und emne Leiter zueteilt  worde.

Am nöchschte Tag hemmer ä Bootstour gmacht ufem River Thames. Mir hend de Tower of London gseh, d’ Tower Bridge, London Eye, Whibbeliwhabbeli Bridge (kei ahnig wiemmer das schriebt :D), die chunnt i Harry Potter vor, und no es paar anderi Sache. Das ganze isch am Afang no spannend gsi, aber immer langwiliger worde. Leider hät mer nöd mal gueti Fotene chönne mache, will mer underem Glas ghocket sind.

K1600_IMG_4705
Tower of London
K1600_IMG_4743
Big Ben

Mir hend jede Tag es Lunchpaket gha mit Sandwich, Guetzli, en Öpfel und es Wasser. Am Namitag hemmer dörfe ellei umenand in Camden Town. Mir hets mega gfalle dete, wills so vil spezielli Läde und komisch/ luschtig kleideti Lüüt gha hät.

K1600_IMG_4727
Camden Town

Ich han e bedruckti Täsche und es Buech über Photographie kauft (es heisst: Read this if you want to take great photographs).  Erschöpft vom Shoppe simmer is College zrugg chauffiert worde.  Nachem Z’nacht hets no es Gruppe Meeting gäh und denn bini gli is Bett (mer het am 11 i de Zimmer müsse si) und schnell iigschlafe.

Am Fritig simmer ufs London Eye. D’Ussicht isch hammer, mer gseht mega wiit über di ganz Stadt. Westminser Abbey und Buckingham Palace simmer au no go aaluege.

K1600_IMG_4834
London Eye und Houses of Parliament mit Big Ben
K1600_IMG_4769
Westminster Abbey
K1600_IMG_4787
Wechsel vo de Wache bim Buckingham Palace

Nachher hämmer wider Ziit gha bis am 5i zum  shoppe i de Oxford Street. Natürlich simmer in Primark, wo s’türschte öppe 15 Pounds isch (also T-shirts bechunnsch für £ 3). Ich han es Minion und es Harry Potter Shirt kauft :D. Usserdem mega cooli Ring und es Chetteli. 🙂 Völlig kaputt sind mer e Stund z’früeh am Treffpunkt gsi, mir hend eifach nüm möge umelaufe.. 😉

K1600_IMG_4843
Oxford Street

Am Abig hemmer d’ Infos zu de Fahrt zu de Gastfamilie übercho. Nachdem ich mis Chaos überraschend schnell zämepackt gha han, hanni no chli gschwätzt und bin denn go schlafe. Am Samschtig Morge hemmer nämlich am halbi 7 müsse ufstah…

K1600_IMG_4870
Harry Potter – Gleis 9 3/4

Am halbi 7 het de Wecker glütet und nachem Z’Morge hemmer oises mega schwere Gepäck zum Car gschleppt. Bim Bahnhof King’s Cross hemmer uf de Zug gwartet und das grad nebed em Gleis 9 3/4! Natürlich hämmer welle go es Foti mache, aber es het e laaangi Schlange gha also hemmers si lah. De Zug, wo ois zu de Gastfamilie bracht het, isch am 11.03 abgfahre. Nach 50 min Fahrt simmer aacho (mir sind z’12te in Peterborough) und herzlich willkomme gheisse worde.

De nöchscht Post, über mini erschte Täg i de Schuel & wie’s bi de Familie isch, chunnt gli 🙂

Mishi <3